Te Ngao ki Hawaiki

Description

Ma te reo Maori nga mahi a te karaehe nei e kawe ai i nga kaupapa ako ka wanangahia nei e tatou. Ko te whainga matua ko te ako i te reo korero, te reo tuhituhi, ka tahi, ka rua ko te ata whakaaro he aha ke te wairua o te reo Maori me pupuri tonutia nei. Ka tiro tatou ki nga korero tuku iho penei i te whakatauki, kiwaha me era momo o te reo. Ko tona whainga matua kia ata whawha i te hohonutanga o te whakaaro me ona tohutohu mo te ao e noho nei tatou. Ka tiro ano hoki tatou ki nga kaupapa tikanga, nga whakapono a te Maori, nga mihi me nga poroporoaki, era ahuatanga katoa o te reo Maori.